Акафист святой преподобномученице Терезе Крестоименитой 

                      (Эдит Штейн), покровительнице Европы 

 

Кондак 1  

 

Избранной дочери Авраамовой, преподобной и богоносной матери нашей Терезе, золотом аскетических подвигов и бриллиантами мудрости воссиявшей, путем крестным Иисусу последовавшей, и в время великой войны от богоотступников муки тяжкие и смерть лютую приявшей, похвальное составим пение. Ты же, святая мати, стяжавшая ко Святой Троице великое дерзновение, вознеси молитвы твои о всех, величающих тебя: 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Икос 1  

 

Ангелов Творец и всего Сущего Создатель, во всех народах имущий верных чад своих от прежде избранного племени Своего призвал тебя, преблагословенная Тереза, ко служению Сыну Своему, Кровию весь род человеческий искупившему, и явил тебя, угоднице Христова, всю полноту обетований Авраамовых. Ибо ты, прехвальная дево, верою, святостью и кончиною мученическою свято последовала по крестному пути Спасителя Нашего. Мы же, радуясь о таковом на тебе произволении Божием, величаем тебя, глаголя: 

Радуйся, зову Господию виявшая и дела великия сотворившая! 

Радуйся, более всего земнаго Иисуса Сладчайшего возлюбившая! 

Радуйся, житием благочестивым и страданием тяжким Ему угодившая! 

Радуйся, писаниями твоими Бога и ныне прославляющая! 

Радуйся, сомневающихся и колеблющихся в вере укрепляющая! 

Радуйся, неверующих светем истины Христовой озаряющая! 

Радуйся, от суеты мирской к духовной жизни нас приводящая! 

Радуйся, от падений и соблазнов нас защищающая! 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 2  

 

Видевши взором духовным, премудрая Эдита Штейн, что не наполняет Господь вином радости мехи ветхие, во дни отрочество твоего отошла от веры отцов твоих, неверием же благим и разумом, истины взыскующим, предуготовила себя к принятию веры христианской. Иисусу, благодатно тебя одарившему и просветившему, умиленно воспевала: «Аллилуйя!» 

 

Икос 2  

 

Разум твой премудростью земной напитала, угоднице Божия, учения философов европейских усердно постигая; житию же богоблаженной Терезы Авильской внимая, всем сердцем и всею душою возлюбила Иисуса Христа, Божественнаго Искупителя Нашего, и святое крещение принявше, причастницею даров благодати спасительной явилась. Мы же, радуясь об обращении твоим к Пути, Истине и Жизни вечной, величаем тебя: 

Радуйся, от любомудрия земнаго к Божественной премудрости пришедшая! 

Радуйся, учения человеческие со священным Писанием сопрягавшая! 

Радуйся, любовь ко Иисуса, подобно Терезе Авильской, стяжавшая! 

Радуйся, доверием к Нему, как Тереза Малая, просиявшая! 

Радуйся, наставлениям Иоанна Крестоименитого последовавшая! 

Радуйся, подобно Фоме Аквинскому, науку и духовность умело сочетавшая! 

Радуйся, деланием аскетическим горения сердечнаго неугасившая! 

Радуйся, как Франциск Ассизский, всяк день Господа радостно восхвалающая! 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 3  

 

Силою и благодатью Святаго Духа, от Отца и Сына происходящего, просвещаемая и вдохновляемая, праведная мати Тереза, в вере христианской укреплялась, дабы познавать глубже законы Богом сотворенного мира и в познании сущего возрастала, дабы веровать сильнее во Всемогущего и   Премилосердного Господа Нашего. Мы же, об этом вспоминая, просим тебя, угодница Христова, сотвори и нас быть причастниками благодати Всесвятого Утешителя и сподоби вместе с тобою петь Ему: «Аллилуйя!» 

 

Икос 3  

 

Имея веру в престательство твое, прехвальная мати наша Тереза, надеждою на заступничество твое пред престолом Божиим окрыльяшена, в песнях и пении духовном величаем тебя, подвиги преславнаго жития твоего славословим и таковые похвалы тебе приносим: 

Радуйся, великою верою праотцу твоему Аврааму поревновновшая! 

Радуйся, призванию от Бога возвещенному, ему же подобно последовавшая! 

Радуйся, как Исаак принести себя в жертву ради блага ближних, возжелавшая! 

Радуйся, по лествице добродетелей, как Иаков, от силы в силу восходившая! 

Радуйся, Иосифовым чистоте, вере и надежде подражавшая! 

Радуйся, кротким и сокрушительным сердцем царю Давидову подобная! 

Радуйся, богодарованную премудрость, как Соломон, от творца принявшая! 

Радуйся, подобно апостолам благою и верною ученицею Христовой ставшая! 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 4  

 

Бурю сомнений тлетворных крепчайшим упованием твоим на Всемогущего Спасителя Нашего росточила, богомудрая Эдита Штейн, ибо дом духовности твоей на твердом камене веры в смертию смерть Поправшего возвигла; сего ради просим тебя, мати святая, укрепи веру нашу, от волнений моря житейского колеблемую и обнови надежду и любовию и Иисусу наполни грешные сердца наша, да вместе с тобою воззовем Ему радостно: «Аллилуйя!» 

 

Икос 4 

 

Слышав о богоугодном житии твоем и мудрости твоей, мати святая, люди многие приходили к тебе, и, наставлением твоим внимая, в истинной вере укреплялись, в печалях утешение обретали, к мудрости приобщались. Сего ради и мы в надежде обрести чрез предстательство твое ко Святому Духу-Утешителю дары благодатные, таковые славословия тебе возносим: 

Радуйся, из глубины неверия извлекающая;  

Радуйся, многих в разуме просвещающая.  

Радуйся, наставников и педагогов вразумление;  

Раздуйся, истины взыскующих благодатное укрпеление; 

Радуйся, ученых и богословов благословение и озарение; 

Радуйся, в вере  и любви возрастать нам помагаюшая; 

Радуйся, заблудших исправление и юных наставнице; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 5 

 

Богоявленной звезде, путь верным ко Отцу Небесному указующий, воистину подобна явилась, всеблагословенная Эдиты Штейн, ибо ты во все дни земного жития твоего ученикам, друзьям и врагам, а прежде всего, ближним твоим являла образ добродетельной жизни, озаряла всех вокруг тебя сущих светом истины Христовой и ныне, нас, вспоминающих подвиги твои подвигаюши радостно воспевать Сладчайщему Иисусу, всегда тебя своею благодатно укреплявшему, ангельское пение: «Аллилуйя!» 

 

Икос 5 

 

Видим взором духовным, преславная мати Тереза- Бенедикта, что неослабно предстательствуешь о нас пред Преблагим Царем Небесным, что чудеса происходят по молтвам твоим, что во всяком обстоятельстве помощь твою нам посылаешь,что в час сомнений и тревог ослабевающие силы наши укрепляешь, что надежу и отраду нам даруешь, с любвию вновь к тебе взываем:  

Радуйся, молиться Богу за нас дерзновение приявшая;.
Радуйся, сладчайший лик Христов созерцающая;
Радуйся, Царицу всех цариц со святыми присно прославляющая; 

Радуйся, многообразные  недуги от нас отгоняющая;  

Радуйся, душевныя страсти исцеляющая;  

Радуйся, телесные болезни врачующая; 

Радуйся, в семействах мир и дружелюбие устрояющая; 

Радуйся, от клеветы и досаждения охраняющая.  

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 6  

 

Проповедница богоносная ревнительница благочестия во всем житии твоем была еси, святая мати Эдита; и ныне просим тебя: обрати ко Христу сердца людей молодых, подобно детям неразумным, увлекающихся благами тленными и скоропреходящими, да новые поколения христиан не престанут с доверием и любовию воспевать Спасителю: «Аллилуйя!» 

 

Икос 6 

 

Возсияла еси любовию ко Иисусу Сладчайшему, многих в вере истинной писаниями и наставлениями твоими утвердила, богомудрая Эдита Штейн. За истину Христову смерть лютую от богоборцев претерпела. Сего ради венец  немеркнущей славы от Христа Вседержителя прияла. Мы же с надеждою просим тебя, святая Тереза Бенедикта, буди и нам руководительницею к жизни вечной и прими величания наши: 

Радуйся, Христа, Царя Славы, добродетелями своими прославляющая; 

Радуйся, от богатства духа ближних просвещающая; 

Радуйся, зерцало Трисиянного Света.  

Радуйся, небесного озарения исполненная.  

Радуйся, благоговению пред Творцом наставляющая; 

Радуйся, любить всех любовью Христовою научающая; 

Радуйся, от бед и напастей нас ограждающая.  

Радуйся, Имя Господне непрестанно славословить нас побуждающая; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 7  

 

Желая, как древние, так и вновь отпавшие ветви,  к древу животворной и спасительной благодати Своей привить, Премудрый и Всеблагий Господь явил в обращении, житии и служении твоем, преславная мати, образ для назидания многих. Сего ради просим тебя: отврати от суеты умы наша и привлеки ко Христу, всех Его забывших, всех Его незнающих и непринимающих, да воспоем Ему вместе с тобою: «Аллилуйя!» 

 

Икос 7 

 

Дивная заступница и покровительница многомилостивая, богоблаженая  

Тереза - Бенедикта, ибо ты  непрестанно предстательствуешь о нас пред престолом Ангца Божьего и просишь Божественного Искупителя Нашего ниспослать благодатную помощь всем людям, славящим  святых Его, и вопиющим тебе  ныне: 

Радуйся, небесная блага всем сердцем возлюбившая;  

Радуйся, суету  мира сего ни во что же вменившая;  

Радуйся, преподобных матерей сподвижнице;  

Радуйся, праведных жен сопричастнице; 

Радуйся, в Церкви Христовой прославленная;  

Радуйся, с Женихом Нетленным обручившаяся; 

Радуйся, души и сердца наша любовию божественною воспламеняющая 

Радуйся, истинному покаянию нас научающая 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 8  

 

Странствие твое земное совершая, Эдита многомудрая, не токмо сонаследницею и наставницею премудрости земной  перебыла еси, ибо многих к оной трудами неленностными твоими приобщила; но к горным и райским высотам устремила взоры твоего духа, и полноты подвига духовного желая, в обитель богоспасаемую преславного ордена кармелитов удалилась, где обеты священные Христу принесла, воспевая в глубине сердца твоего ангельское Ему пение: «Аллилуйя!» 

 

Икос 8  

 

Всем сердцем и всею душою и всем разумением твоим, богоносныя мати Тереза, возлюбила еси, Распятого за нас Спасителя, в безумии креста своего явившего нам тайну Премудрости своей, и Его пути голгофскому прехвально последовала; сего ради просим тебя: даруй нам узрети в Его Страстях Славу Агнца Божия и настави нас, как подобает хвалиться Святым Крестом  Иисусовым. Ныне же с радостию духовною мы тебе, богоблаженная тайнозрительнице, взываем: 

Радуйся, всецелою доверие к  Богу преславно обретшая; 

Радуйся, по via dolorosa следовать за Женихом Небесным возжелавшая; 

Радуйся, страх смерти и страданий великою верою в Воскресшего Бога низложившая; 

Радуйся, на подвиг духовный, многих окрест тебе сущих воодушевившая; 

Радуйся, от сомнений в Промысле Божиим всех нас избавляющая; 

Радуйся, к соработничеству с Иисусом наставляющая; 

Радуйся, в Нем только обрести отраду научающая; 

Радуйся, миром и благостью души наша наполняющая; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 9  

 

Всяческие испытания; изгнания из родной обители, заточение в лагере смертоносным, побои и лишения с кротостью и верою в Победившего смерть вечною Воскресением Своим Христа приняла и претерпела, богомудрая Эдита Штейн; сие же сие же вспоминая ныне просим тебя: обнови веру и ожитвори надежду нашу, да возможем и мы воспевать несомненно и радостью Господу: «Аллилуйя!» 

 

Икос 9 

 

Витии многоречивые и риторы преискусные достойно и праведно не возмогут воспеть подвиги твои, святая Тереза Бенедикта,  ибо Ты  во след Жениху твоему Небесному прошла через Крест Его и страдания к славе Воскресения. С Сыном Человеческим  на небесах торжествуешь ныне и нас, с любовию чтущих святую память твою озаряешь лучами мудрости нетленной. Поэтому вновь с надеждою и благодарностью мы к тебе взываем: 

Радуйся, добродетельми многими просиявшая.  

Радуйся, вся тленная в житии твоем отвергшая.  

Радуйся, страннице, горнего отечества взыскавшая.  

Радуйся, благодати Божия причастнице.  

Радуйся, козней диавольских победительнице.  

Радуйся, во дни и в нощи к стопам Христовым повергавшаяся.  

Радуйся, неоскудеваемый источниче Божия благословения.  

Радуйся, заря пресветлая истиннаго просвещения. 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 10  

 

Спасительный свершая подвиг, саму жизнь твою посвятила Господу Всемогущему, дабы единоплеменники твои и иные народы Христа забывшие, обратились, ибо с молитвою на устах в печи газовой преподобническое житие твое мученически скончался еси и душою вознеслась во Иерусалим Небесный [на лоно Авраамово], где по Промыслу Всемудрого Искупителя Нашего, обитель себе обрела, там же и ныне пребываешь и со ангелами воспеваешь Иисус: «Аллилуйя!» 

 

Икос 10  

 

Стену душепагубной ненависти и зломыслия человеческаго твоими святыми молитвами поколеби и разруши, святая мати Тереза, миром Господним наполни души наша благостью и человеколюбием преобрази иссыхающие души, благомыслием озари умы, да удалимся мы от скверны греховной и возможем ежедневно следовать заветам Спасителя. Сего ради тебе, небесной заступнице нашей, таковые похвалы вознесем: 

Радуйся, от тлеющих углей ненависти души наша омывающая; 

Радуйся, даром благости небесной нас обогощающая; 

Радуйся, от злословия и осуждения уста наша оберегающая; 

Радуйся, словом благим ближним служить научающая; 

Радуйся, в каждом человеке видеть образ Божий сподвигающая; 

Радуйся, милосердную любовь в сердцах воскрешающая; 

Радуйся, друг друга тяготы носить наставляющая; 

Радуйся, к небесному царствию помыслы наши устремляющая; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 11  

 

Пение акафистное приносим тебе, богоблаженная мати Эдита,  и на предстательство твое упование возлагаем и просим тебя: приими ныне малое сие моление наше и вознеси ко Христу Богу нашему да ниспослет в души наша благодать Свою, грехи наша простит и всех нас помилует, да и мы сподобимся купно с тобою в селениях райских  ангельски воспевать Святую Троицу: Аллилуиа. 

 

Икос 11  

 

Свет нетварный со всеми праведниками и сонмом преподобных жен созерцаешь ныне, велехвальная мати наша Эдита, и от славы во славу восходишь и нас через богоугодные молитвы твои сопричастниками христоугодных добродетелей быть сотворяешь Сего ради просим тебя: укрепи нас в делании внутреннем и прими благосклонно величания наши, возносим ныне: 

Радуйся, от суеты многообразной ум наш освобождающая; 

Радуйся, к познанию благого промысла Божия нас обращающая; 

Радуйся, к неленностному творению молитвы привлекающая; 

Радуйся, благоплодностью души наша наполняющая; 

Радуйся, благословлять всякого человека научающая; 

Радуйся, от обольщения  и тщеславия души исцеляющая; 

Радуйся, светом фаворским сокровенно на земли чтущим тебя озаряющая; 

Радуйся, нести людям Христов свет призывающая; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 12  

 

Благодатную помощь испросим нам, святая Тереза – крестоносица, да тою укрепляемые возможем мы победить слабости естества нашего, пристрастия к вещам и делам греховным, волю ослабевающую во благе Господнем утвердить, устранить из жизни нашей все, мешающею вечному единению со Сладчайшим Иисусом;  Ему же, на твоем вспоможение уповая, воспеваем ныне песнь победною: «Аллилуйя!» 

 

Икос 12  

 

Воспевая праведное житие твое, величаем тебя, святая Тереза, славим твою кончину мученическую и праведное житие твое, ибо святый отец наш архиерей вселенский Иоанн-Павел Великий провозгласил тебя покровительницею Европы; сего ради просим тебя: воспламени вновь в среди этих народов огонь веры католической, дабы ревнуя благочестивым деяниям прародителей своих, люди они вернутся ко Спасителю и заповедям Его. Мы же с надеждою вновь к тебе взываем: 

Радуйся, оградить Европу от нашествия иноверцев Господа умоляющая; 

Радуйся, призваниями к посвященной жизни край сей обогащающая; 

Радуйся, народы сии памятовать о Боге наставляющая; 

Радуйся, мир на землях их устрояющая; 

Радуйся, новые их кумиры в прах обращающая; 

Радуйся, от теплохладности и суетности сердца наша исцелающая; 

Радуйся, умственные идолы наши скоро сокрушающая; 

Радуйся, ко Христу Распятому взоры духа направляющая; 

Радуйся, святая преподобномученице Тереза, крестоносице благословенная и путей спасительных богомудрая наставнице! 

 

Кондак 13  

 

О святая преподобномученица, богоносная мати наша Эдита, приими благосклонно приносимое тебе наши ныне пение акафистное и твоими молитвами приклони к нам на милосердие Всемогущего Бога Нашего, в Троице славимого и поклоняемого, да сподобимся и с тобою в вечности блаженной воспевать Ему вместе с ангелами: «Аллилуйя!»